ირანის ხელისუფლებამ ისრაელის ჯაშუში დააკავა, - ამის შესახებ ინფორმაციას ირანული ახალი ამბების სააგენტო YJC-ი ქვეყნის დაზვერვის სამინისტროს წარმომადგენელზე დაყრდნობით ავრცელებს.

ინფორმაციაში დაკავებულის ეროვნების შესახებ საუბარი არ არის.

„ირანის აღმოსავლეთ პროვინციაში ისრაელის ჯაშუში დააკავეს. დაკავებულები არიან ასევე სხვა ჯაშუშებიც, რომლებიც კონტაქტში იყვნენ რამდენიმე ქვეყნის დაზვერვის სამსახურებთან”, - აცხადებს სამინისტროს წარმომადგენელი.

შეგახსენებთ, ირანელი, რომელიც აშშ-სა და ისრაელის დაზვერვის სამსახურების სასარგებლოდ ჯაშუშობაში დაადანაშაულეს, 2020 წელს ირანში სიკვდილით დასაჯეს.