აზერბაიჯანში, ბოლო 24 საათის განმავლობაში, კორონავირუსის 1 099 ახალი შემთხვევა გამოვლინდა და 34 ადამიანი გარდაიცვალა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, აზერბაიჯანში პანდემიის დაწყების დროიდან ინფიცირების 271 834 შემთხვევაა დადასტურებული, დაღუპულია 3 711 ადამიანი.

პორტალ Koronavirusinfo.az-ზე გამოქვეყნებული ინფორმაციის თანახმად, აზერბაიჯანში კორონავირუსის საწინააღმდეგო ვაქცინის პირველი დოზა 591 012, ვაქცინის ორივე დოზა კი 356 935 ადამიანს აქვს გაკეთებული. აღსანიშნავია, რომ დღეიდან ქვეყანაში საგანმანათლებლო დაწესებულებების ყველა ასაკის თანამშრომლების ვაქცინაცია დაიწყო.