საერთაშორისო რესპუბლიკური ინსტიტუტის (IRI) ახალი კვლევის თანახმად, გამოკითხულთა უმრავლესობას, 82%-ს, ქართული არმია მოსწონს.
მეორე ადგილზე ეკლესიაა, რომელიც გამოკითხულთა 79%-ს მოსწონს, მესამეზე - ქართული მედია 62%-ით.
ამავე კვლევის თანახმად, გამოკითხულთა 54%-ს პოლიცია მოსწონს, 39%-ს -არა, 52%-ს მოსწონს პრემიერ-მინისტრის ოფისი და 41%-ს - არა, 50%-ს - ადგილობრივი ხელისუფლებები მოსწონს - 42%-ს არა, 45%-ს მოსწონს მთავრობა (მინისტრთა კაბინეტი), ხოლო 49%-ს - არა. ცენტრალური საარჩევნო კომისია და პარლამენტი გამოკითხულთა 42-42%-ს მოსწონს, 51%-ს და 53 %-ს კი - არა. საზოგადოებრივი საგანმანათლებლო სისტემა გამოკითხულთა 35%-ს მოსწონს, 58%-ს კი- არა. პრეზიდენტის ადმინისტრაცია - 33%-ს მოსწონს, ხოლო 61%-ს -არა, პროკურატურა - 31%-ს მოსწონს და 52%-ს არ მოსწონს, სასამართლოები - 30% მოსწონს და 55%-ს - არა, გუბერნატორები 29%-ს მოსწონს და 45%-ს -არა, ეროვნული ბანკი 29%-ს მოსწონს და 59%-ს -არა, პოლიტიკური პარტიები 27%-ს მოსწონს და 62%-ს -არა, პროფკავშირები - 15%-ს მოსწონს და 43%-ს -არა.
ცნობისთვის, კვლევა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. საანგარიშო პერიოდი 2021 წლის 2-26 თებერვალია.
საველე სამუშაოები IPM -ის მიერ ჩატარდა. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 75 პროცენტი.
კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.