ინდონეზიასა და მეზობელ აღმოსავლეთ ტიმორში წყალდიდობის შედეგად დაღუპულთა რაოდენობამ 100-ს გადააჭარბა.

BBC-ის ინფორმაციით, ოფიციალური პირები აცხადებენ, რომ დაღუპულთა რიცხვი, შესაძლოა, კიდევ უფრო გაიზარდოს, რადგან მაშველები დაკარგულების ძებნას კვლავ აგრძელებენ.

”სტიქიამ ოთხი ქვეოლქი და შვიდი სოფელი დააზარალა”, - განუცხადა ჟურნალისტებს ინდონეზიის კატასტროფის რისკის შემცირების სააგენტოს პრესსპიკერმა რადიტია ჯატიმ.

BBC-ის ინფორმაციით, ინდონეზიაში სტიქიურ უბედურებას სულ მცირე 80 ადამიანი ემსხვერპლა, აღმოსავლეთ ტიმორში კი 20. ინდონეზიის არქიპელაგზე ფატალური შედეგის მქონე წყალდიდობა და მეწყერი მუსონური სეზონის განმავლობაში ხშირია. ეს სეზონი, ჩვეულებრივ ნოემბრიდან მარტამდე პერიოდში გრძელდება.