გურამ მაჭარაშვილი - ოპოზიციამ ქუჩაში გასვლა დააანონსა, IRI-მ არასასურველ სიურპრიზად კვლევა დაუდო - კვლევამ დაადასტურა საზოგადოების უმრავლესობის განწყობა, რომ პრიორიტეტი ვადამდელი არჩევნები არ არის

როცა ოპოზიციამ ორი დღის წინ ქუჩაში გასვლა დააანონსა, ამის ფონზე IRI-მ არასასურველ სიურპრიზად კვლევა დაუდო - IRI-ის კვლევამ დაადასტურა საზოგადოების უმრავლესობის განწყობა, რომ ოპოზიციური პარტიები პარლამენტში უნდა იყოს და პრიორიტეტი ვადამდელი არჩევნები არ არის, - ეს განცხადება “პალიტრანიუსის“ გადაცემა “360 გრადუსში“, “ქართული ოცნების“ წევრმა გურამ მაჭარაშვილმა გააკეთა.

მაჭარაშვილის შეფასებით, საზოგადოება ოპოზიციის მიერ გამოცხადებულ ბოიკოტს არ ემხრობა, თუმცა “ოპოზიციის ნაწილი სხვა სამყაროში ცხოვრობს“.

“ოპოზიციის რადიკალურ ფრთას, რომელსაც საზოგადოებისთვის პრიორიტეტული საკითხები არაფრად მიაჩნია, გარდა იმისა, რომ თვითონ მოვიდეს ხელისუფლებაში, არაფერი აინტერესებს. ოპოზიციის ამ ნაწილს არც ვადამდელი არჩევნები აიტერესებს. ყველაფერი ნათელია და ამაზე აღარც მათი ამომრჩეველი დავობს. მთავარია, რომ საზოგადოება, ამომრჩეველი გაცილებით მეტად გაიზარდა, მათ შორის პოლიტიკურად, ვიდრე მათი რჩეულები. ეს ხალხი ხედავს, რომ დღეს საქართველოს ბევრი სხვა გამოწვევა აქვს. ეს არის გეოპოლიტიკური პროცესები, არის საშინაო პრობლემები და გამოწვევები, ეკონომიკური კრიზისი, რასაც ჩვენ მეტ-ნაკლებად ვუმკლავდებით. საზოგადოებამ დაინახა, თუ როგორ გაართვა ხელისუფლებამ თავი პანდემიის პროცესში თავად პანდემიას და ეკონომიკურ კრიზისს და ეს დაადასტურა 31 ოქტომბრის არჩევნებით, რომელიც ყველა ცივილიზებულმა ქვეყანამ აღიარა. ნამდვილად არ გვაქვს პოლიტიკურ გამჭრიახობასთან საქმე, როცა რასაც ნოემბრის პირველ დღეებში ითხოვდი, იმას ექვსი თვის თავზე იმეორებ და ამ მოთხოვნას შენივე მომხრე და ამომრჩეველი არ ეთანხმება“, - განაცხადა გურამ მაჭარაშვილმა.

IRI-ის გამოკითხული მოქალაქეების 60% ოპოზიციური პარტიების მიერ საპარლამენტო საქმიანობის ბოიკოტირებას მხარს არ უჭერს. გამოკითხულთა 45% მხარს უჭერს რიგგარეშე არჩევნების ჩატარებას, ხოლო 45% - წინააღმდეგია.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში