სახელმწიფო ინსპექტორი ლონდა თოლორაია აშშ-ს ელჩს შეხვდა

სახელმწიფო ინსპექტორი ლონდა თოლორაია საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს შეხვდა. ინფორმაციას სახელმწიფო ინსპექტორის სამსახური ავრცელებს.

მათივე ინფორმაციით, შეხვედრის მიზანი სახელმწიფო ინსპექტორის სამსახურის საქმიანობის, სამსახურის წინაშე არსებული გამოწვევების გაცნობა და თანამშრომლობის შესაძლებლობების განხილვა იყო.

შეხვედრას ასევე ესწრებოდნენ სახელმწიფო ინსპექტორის პირველი მოადგილე, გიორგი გამეზარდაშვილი, საერთაშორისო ნარკოტიკებისა და კანონის აღსრულების საქმეების ოფისის დირექტორი, რებეკა ჰანტი, საელჩოს რეზიდენტი სამართლებრივი მრჩეველი, მაიკლ გრანტი და USAID-ის დემოკრატიისა და მმართველობის ოფისის დირექტორი, ადამ შმიდტი.

სახელმწიფო ინსპექტორმა აშშ-ის ელჩს სახელმწიფო ინსპექტორის სამსახურის საქმიანობა გააცნო. განსაკუთრებული ყურადღება გამახვილდა გამოწვევებზე - ,,პერსონალურ მონაცემთა დაცვის შესახებ” საქართველოს პარლამენტში წარდგენილ კანონპროექტზე, საჯარო და კერძო სექტორში მონაცემთა უსაფრთხოებაზე, გამოძიების ჩატარებისას მტკიცებულებათა მოპოვების (მათ შორის, ვიდეოჩანაწერების მოპოვების), ასევე, სამართალდამცავთა მხრიდან შესაძლო დანაშაულის გამოკვეთის შემთხვევაში სისხლისსამართლებრივი დევნის დაწყების სირთულეებზე.

ამასთან, შეხვედრაზე კელი დეგნანმა, ხაზი გაუსვა სახელმწიფო ინსპექტორის სამსახურის, როგორც დამოუკიდებელი უწყების, როლს ქვეყნის დემოკრატიისა და ადამიანის უფლებათა დაცვის სფეროში, ასევე, სამსახურის მნიშვნელობას საპოლიციო საქმიანობის კონტროლისა და მონაცემთა დაცვის მიმართულებით.

აშშ-ის ელჩმა კელი დეგნანმა სახელმწიფო ინსპექტორის სამსახურს აღუთქვა მხარდაჭერა გაძლიერებაში და გამოწვევების დაძლევის პროცესში თანამშრომლობის სრული მზადყოფნა გამოხატა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა