სომხეთში, გასული დღე-ღამის განმავლობაში, კორონავირუსის 760 ახალი შემთხვევა გამოვლინდა. ინფორმაციას სომხეთის დაავადებათა კონტროლისა და პრევენციის ეროვნული ცენტრი ავრცელებს.
მათივე ცნობით, ქვეყანაში, ბოლო 24 საათში, კოვიდ 19-ს 13 პაციენტის სიცოცხლე ემსხვერპლა.
სომხეთში, საერთო ჯამში, კორონავირუსის 197 873 შემთხვევაა დადასტურებული. სომხეთში დღემდე ვირუსს 3 627 ადამიანი ემსხვერპლა, გამოჯანმრთელებული პაციენტების საერთო რაოდენობა კი 177 601-ია. ამასთან, ამჟამად ქვეყანაში 16 645 აქტიური შემთხვევა ფიქსირდება.