გიორგი ღვინიაშვილი - რამდენად სერიოზული იქნება გახარიას რეიტინგი ოპოზიციაში, ჯერ კიდევ ბუნდოვანია

რამდენად სერიოზული იქნება გახარიას რეიტინგი ოპოზიციაში, ჯერ კიდევ ბუნდოვანია, - ასე ეხმაურება „ევროპული საქართველოს“ წევრი, გიორგი ღვინიაშვილი რესპუბლიკური ინსტიტუტის“ (IRI) კვლევებში ყოფილი პრემიერ-მინისტრი გიორგი გახარიასადმი მოწონების მაღალ მაჩვენებელს.

ღვინიაშვილის თქმით, გიორგი გახარიას გადადგომის შემდეგ როგორც მისი, ასევე „ქართული ოცნების“ რეიტინგი შეიცვალა.

,,ეს კვლევა ჩატარებულია მაშინ, როდესაც გახარია იყო ჯერ კიდევ პრემიერ-მინისტრი. მისი გადადგომის შემდეგ, მისი და ზოგადად „ქართული ოცნების“ რეიტინგი როგორ შეიცვალა კიდევ სხვა კვლევის საგანია. გახარიას ძალიან ბევრ კითხვაზე აქვს პასუხი გასაცემი, დღეს-დღეობით მის კისერზეა 20 ივნისი და ზოგადად, რამდენად სერიოზული იქნება მისი რეიტინგი ოპოზიციაში, ჯერ კიდევ ბუნდოვანია“, - აღნიშნა გიორგი ღვინიაშვილმა.

საერთაშორისო რესპუბლიკური ინსტიტუტის (IRI) ახალი კვლევის თანახმად, გამოკითხულთა უმრავლესობას, 89%-ს, კათოლიკოს-პატრიარქი მოსწონს. მეორე ადგილზეა ყოფილი პრემიერ-მინისტრი გიორგი გახარია, რომელიც გამოკითხულთა 65%-ს მოსწონს, მესამეზე - კახა კალაძე 54%-ით.

ცნობისთვის, კვლევა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. საანგარიშო პერიოდი 2021 წლის 2-26 თებერვალია.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა