დაგეგმილი აქციის გამო, ციხესთან, სადაც ალექსეი ნავალნი იმყოფება, უსაფრთხოების ზომები გაამკაცრეს

ქალაქ პოკროვში მდებარე სასჯელაღსრულების დაწესებულებასთან, რომელშიც რუსი ოპოზიციონერი პოლიტიკოსი ალექსეი ნავალნი იმყოფება პოლიციამ უსაფრთხოების ზომები გაამკაცრა, - ამის შესახებ ინფორმაციას Reuters-ი ავრცელებს.

სააგენტოს ცნობით, ამ გადაწყვეტილების მიზეზი ნავალნის მხარდამჭერების მიერ დღეს დაგეგმილი საპროტესტო აქციაა. ისინი ციხესთან შეკრებას და პოლიტიკოსისთვის სათანადო სამედიცინო დახმარების აღმოჩენის მოთხოვნას აპირებენ.

შეგახსენებთ, პატიმრობაში მყოფმა ალექსეი ნავალნიმ რამდენიმე დღის წინ შიმშილობა გამოაცხადა. ნავალნი შიმშილობის დაწყების მიზეზად იმას ასახელებს, რომ მასთან საკუთარ ექიმს არ უშვებენ. გუშინ პოლიტიკოსმა განაცხადა, რომ მაღალი ტემპერატურა აქვს და ახველებს, თუმცა შიმშილობას მაინც განაგრძობს.

ნავალნიმ ასევე აღნიშნა, რომ მის საკანში მყოფი სამი პატიმარი ტუბერკულოზის დიაგნოზით საავადმყოფოში გადაიყვანეს. გუშინვე გაზეთმა „იზვესტიამ“ გაავრცელა ინფორმაცია, რომ ნავალნის კორონავირუსზე ტესტი აუღეს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა