ისრაელის პრემიერ-მინისტრმა ბენიამინ ნეთანიაჰუმ ისრაელის პრეზიდენტისგან ახალი მთავრობის შექმნასთან დაკავშირებით მანდატი მიიღო.

კანონის თანახმად, ნეთანიაჰუს მთავრობის ფორმირებისთვის 28 დღე ექნება და ამ ვადის გაგრძელება ორი კვირით იქნება შესაძლებელი. იმ შემთხვევაში, თუკი პრემიერ-მინისტრი კოალიციური მთავრობის ფორმირებას ვერ მოახერხებს, პრეზიდენტი რეუვენ რივლინი სხვა კანდიდატს აირჩევს ან მისი არჩევის თხოვნით პარლამენტს მიმართავს.

შეგახსენებთ, 23 მარტს ისრაელში გამართული საპარლამენტო არჩევნების შედეგად, რომელიც ქვეყანაში ბოლო 1 წლის განმავლობაში ჩატარებული მეოთხე საპარლამენტო არჩევნები იყო, პრემიერ-მინისტრ ბენიამინ ნეთანიაჰუს პარტია „ლიკუდმა“ ქვეყნის 120-ადგილიან პარლამენტში უმრავლესობის მოსაპოვებლად საკმარისი რაოდენობის მანდატების მიღება ვერ შეძლო. პრეზიდენტმა რეუვენ რივლინმა პოლიტიკური პარტიების ლიდერებთან კოალიციური მთავრობის ფორმირების საკითხზე, მათთვის სასურველ კანდიდატთან დაკავშირებით, კონსულტაციები გუშინ გამართა.