ნატო-ს გენერალური მდივანი იენს სტოლტენბერგი აცხადებს, რომ უკრაინის პრეზიდენტ ვლადიმერ ზელენსკისთან სატელეფონო საუბროს დროს, რუსეთის ქმედებების გამო სერიოზული შეშფოთება გამოხატა.

„მე დავურეკე პრეზიდენტ ზელენსკის, რათა სერიოზული შეშფოთება გამომეხატა უკრაინასა და მის გარშემო რუსეთის სამხედრო ქმედებების და ცეცხლის შეწყვეტის რეჟიმის დარღვევის გამო. ნატო მტკიცედ უჭერს მხარს უკრაინის სუვერენიტეტს და ტერიტორიულ მთლიანობას. ჩვენ ჩვენი მჭიდრო პარტნიორობის ერთგული დავრჩებით,“- წერს იენს სტოლტენბერგი სოციალურ ქსელ „ტვიტერში“.