ვლადიმერ ზელენსკი - ნატო დონბასში ომის დასრულების ერთადერთი გზაა - უკრაინისთვის MAP-ის მინიჭება რუსეთისთვის რეალური სიგნალი იქნება

ჩვენ მოწოდებული ვართ ჩვენი არმიისა და თავდაცვის სექტორის რეფორმირებისთვის, მაგრამ რუსეთს მხოლოდ რეფორმები არ შეაჩერებს. ნატო დონბასში ომის დასრულების ერთადერთი გზაა. უკრაინისთვის MAP-ის მინიჭება რუსეთისთვის ნამდვილი სიგნალი იქნება, - უკრაინის პრეზიდენტის ადმინისტრაციის ინფორმაციით, ამის შესახებ პრეზიდენტმა ვლადიმერ ზელენსკიმ ნატო-ს გენერალურ მდივანთან, იენს სტოლტენბერგთან სატელეფონო საუბრისას განაცხადა.

მათივე ცნობთ, ვლადიმერ ზელენსკიმ და იენს სტოლტენბერგმა დონბასში უსაფრთხოების კუთხით არსებული მდგომარეობის გამწვავების საკითხი განიხილეს.

”ბოლო კვირების განმავლობაში ჩვენ დავინახეთ რუსეთის საოკუპაციო ძალების მიერ ცეცხლის შეწყვეტის ფაქტების გაზრდის ძალზე საშიში ტენდენცია. დაიღუპნენ უკრაინელი ჯარისკაცები”, - აღნიშნა ზელენსკიმ.

მან იენს სტოლტენბერგს უკრაინის საზღვრებთან რუსეთის ჯარის მობილიზების შესახებ ინფორმაციაც მიაწოდა.

პრეზიდენტის ადმინისტრაციის ინფორმაციით, ზელენსკიმ მადლობა გადაუხადა გენერალურ მდივანს ალიანსის მიერ უკრაინის უსაფრთხოებასთან დაკავშირებული სიტუაციის მიმართ ყურადღების გამოჩენისთვის და ნატოს წევრებს მოუწოდა, მეტი ყურადღება მიაქციონ შავი ზღვის რეგიონის უსაფრთხოების საკითხს და რეგიონში სამხედრო ყოფნა გააძლიერონ.

”ასეთი მუდმივი ყოფნა უნდა იყოს ძლიერი შემაკავებელი ფაქტორი რუსეთისთვის, რომელიც განაგრძობს რეგიონის მასშტაბურ მილიტარიზაციას და ხელს უშლის სავაჭრო გადაზიდვებს”, - განაცხადა ზელენსკიმ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს