ევროპის წამლის სააგენტო აცხადებს, რომ „ასტრაზენეკას“ მიერ წარმოებული ვაქცინისა და თრომბის განვითარების შესაძლო კავშირების თაობაზე საბოლოო დასკვნისთვის ჯერ არ მიუღწევია

ევროპის წამლის სააგენტო EMA აცხადებს, რომ „ასტრაზენეკას“ მიერ წარმოებული ვაქცინისა და თრომბის განვითარების შესაძლო კავშირების თაობაზე ჯერ საბოლოო დასკვნისთვის არ მიუღწევია.

„EMA-ს მედიკამენტების რისკების შეფასების კომიტეტს ჯერ დასკვნა არ გაუკეთებია და ამჟამად შეფასება მიმდინარეობს. ჩვენ მაშინვე ჩავატარებთ პრესკონფერენციას, როგორც კი შეფასება დასრულდება“, - ნათქვამია სააგენტოს განცხადებაში, რომელსაც გამოცემა „დოიჩე ველე“ ავრცელებს.

სხვადასხვა მედიასაშუალებები ასევე წერენ, რომ ამ თემაზე ევროკავშირის მედიკამენტების მარეგულირებელი უწყება ოთხშაბათს ან ხუთშაბათს პრესკონფერენციაზე ისაუბრებს.

ამ თემას სოციალურ ქსელში გამოეხმაურა ევროკომისარი ჯანდაცვის საკითხებში სტელა კირიაკიდესი.

„ახლო კონტაქტი გვაქვს ევროპის წამლის სააგენტოსთან „ასტრაზენეკას“ ვაქცინის უსაფრთხოების შეფასების თაობაზე. მოსალოდნელია, რომ შეფასებას მოვისმენთ ოთხშაბათს საღამოს“, - დაწერა მან „ტვიტერზე“.

შეგახსენებთ, მანამდე გავრცელდა ინფორმაცია, რომ EMA-ს ვაქცინაციის განყოფილების დირექტორმა მარკო კავალერიმ იტალიურ გამოცემას Il Messaggero-ს განუცხადა, თითქოს სააგენტომ მიზეზ-შედეგობრივი კავშირი უკვე დაადგინა „ასტრაზენეკას“ ვაქცინასა და სისხლის შედედების იშვიათ სინდრომს შორის. მისი აზრით, „უკვე შეიძლება ითქვას, რომ აშკარა კავშირებია ვაქცინასთან, თუმცა ჯერ არ იციან, თუ რა იწვევს ამ რეაქციას“.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა