გიგა ბოკერიას განცხადებით, საქართველოს ეროვნული ინტერესია მორალურ ვალდებულებასთან ერთად, რომ უკრაინელ ხალხს მხარი დაუჭიროს

ჩვენი მთავრობა წლებია ქვეყნის ფარგლებს გარეთ ატარებს პოლიტიკას, რომ საქართველოს საკითხი დღის წესრიგში აქტიურად არ იდგეს, რუსეთზე წნეხი შემცირდეს ან გაქრეს საქართველოს პრობლემებთან, ჩვენს თავისუფლებაზე, სუვერენიტეტთან და უსაფრთხოებასთან დაკავშირებით - ამ საბაბითა და მიზეზით არ რეაგირებს რუსეთის აგრესიაზე უკრაინის წინააღმდეგ, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს განუცხადა, როდესაც უპასუხა კითხვას, რატომ არ რეაგირებს საქართველოს ხელისუფლება უკრაინაში არსებულ დაძაბულ ვითარებაზე.

მისი თქმით, მთავრობა ჩვენი მოქალაქეების ნაწილის შეცდომაში შეყვანას ცდილობს, თითქოს ამას საქართველოს ინტერესებიდან გამომდინარე აკეთებს, რომ „არ გააღიზიანოს“.

მისივე განმარტებით, საქართველოს ეროვნული ინტერესია მორალურ ვალდებულებასთან ერთად, რომ მხარი დაუჭიროს უკრაინელ ხალხს.

„იმიტომ, რომ ეს გვიზრდის ჩვენ დაცულობას და შესაძლებლობებს, რომ დავიცვათ ჩვენი თავისუფლება და საბოლოო ჯამში, მერე, ოკუპაციის პრობლემაც გადავჭრათ. ანუ სრულიად პირიქით არის საკითხი. „ჩაწოლა“ ამ შემთხვევაში პრაგმატულად გვაზიანებს. ყველას უნდა გვესმოდეს, რომ პუტინის რუსეთის ამოცანაა, გაანადგუროს მისი მეზობელი ქვეყნების, მათ შორის, პირველ რიგში, საქართველოს, უკრაინისა და სხვების თავისუფლება და სუვერენიტეტი, რათა თავისუფალი სამყარო შეავიწროვოს და თავისი პროცესები გააძლიეროს. ჩვენი ინტერესია, რომ უკრაინის წინააღმდეგ აგრესიისას, ყველა სხვა ამბების დროს ჩვენი საკითხიც იდგეს დღის წესრიგში, რომ უფრო დაცულები ვიყოთ და არა, პირიქით. თან, მორალურად სირცხვილია ეს ყველაფერი“, - აცხადებს გიგა ბოკერია.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს