ჩვენ საჯაროდ გვინდა დავადასტუროთ დანიელსონის დოკუმენტზე მუშაობის გაგრძელების მზაობა - ჩვენ ჩვენი მხრიდან მზად ვიქნებით, აღნიშნულ დოკუმენტს ხელი მოვაწეროთ, - ამის შესახებ პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ ჟურნალიტებს განუცხადა.

მისივე თქმით, უკვე სრულიად ნათელი ხდება, მედიაციის პროცესი უშედეგოდ იმის გამო დასრულდა, რომ ოპოზიციის დიდმა ნაწილმა არ ისურვა, დოკუმენტისათვის ხელი მოეწერა.

"რა თქმა უნდა, ევროპაში ამას დადებითად ვერ მიიღებდნენ. შესაბამისად, ველი რომ უახლოეს მომავალში ევროპარლამენტარების მხრიდან უფრო მეტი და მეტი მოწოდება გაკეთდება. ჩვენ კიდევ ერთხელ ვაცხადებთ მზაობას იმაზე, რომ დანიელსონის დოკუმენტთან დაკავშირებით შეთანხმება შედგეს - თუ შეთანხმება შედგება და ამას ყველა ხელს მოაწერს, ჩვენ მხოლოდ მივესალმებით", - განაცხადა ნიკოლოზ სამხარაძემ.