"თავისუფლება გავრილოვის პირად პატიმარ ნიკა მელიას"- ამ სლოგანით მოძრაობა " საქართველოსთვის" წევრები ამ წუთებში რუსთავის ციხესთან, სადაც "ნაციონალური მოძრაობის თავმჯდომარე ნიკა მელია იმყოფება, აქციას მართავენ.

მათი განცხადებით, ნიკა მელია უკანონო პატიმარია, რომლის გვერდითაც იქამდე დადგებიან, ვიდრე ის არ გათავისუფლდება.

"ნიკა მელია ციხეშია ანტისაოკუპაციო აქციის გამო. ეს არის დღევანდელი ხელისუფლების სირცხვილი. ჩვენ ვითხოვთ, რომ ხვალ გაათავისუფლონ გავრილოვის პირადი პატიმარი", - აცხადებენ აქციაზე მყოფი პირები.

აქტივისტები ციხესთან პარლამენტის შენობიდან ავტომანქანების მსვლელობით მივიდნენ. ადგილზე იმყოფება პოლიცია.