სომხეთმა რუსული წარმოების კორონავირუსის საწინააღმდეგო ვაქცინის, Sputnik V-ის, პირველი პარტია მიიღო, - ამის შესახებ ინფორმაციას სომხური მედია ავრცელებს.

„ეს არის ვაქცინის 15 000 დოზა. მინდა აღვნიშნო, რომ ეს არის რუსეთის ფედერაციის მიერ სომხეთის რესპუბლიკისთვის კორონავირუსის წინააღმდეგ ბრძოლაში გაწეული დახმარების გაგრძელება,“- განაცხადა სომხეთში რუსეთის საელჩოს წარმომადგენელმა პაველ კუროჩკინმა.

შეგახსენებთ, სომხეთმა, „კოვაქსის“ პროგრამის ფარგლებში „ასტრაზენეკას“ ვაქცინის პირველი პარტია, 24 000 დოზა, მარტის ბოლოს მიიღო.