რუსეთის პრეზიდენტ ვლადიმერ პუტინსა და გერმანიის კანცლერ ანგელა მერკელს შორის სატელეფონო საუბარი შედგა, - ამის შესახებ ინფორმაციას რუსული მედია კრემლის პრესსამსახურზე დაყრდნობით ავრცელებს.

მათივე ინფორმაციით, საუბრის მთავარი თემა აღმოსავლეთ უკრაინაში ვითარების გამწვავება იყო.

კრემლის პრესსამსახურის ცნობით, ლიდერებმა რეგიონში დაძაბულობის გამწვავების გამო „შეშფოთება გამოხატეს.“

„ვლადიმერ პუტინმა ყურადღება გაამახვილა კიევის პროვოკაციულ ქმედებებზე, რომლებიც, ბოლო დროს, მიზანმიმართულად ამძაფრებს სიტუაციას საკონტაქტო ხაზზე”, - ნათქვამია ინფორმაციაში.

სატელეფონო საუბრის დროს ორი ქვეყნის ლიდერებმა პატიმრობაში მყოფი ალექსეი ნავალნისა და ლიბიის საკითხებზეც ისაუბრეს.