ბიძინა კულუმბეგოვის ინფორმაციით, "ჩეკ ლისტში", რომელსაც იმუნიზაციაზე მისული ყველა ადამიანი ავსებდა, ცვლილებები შევა, სადაც რამდენიმე სიღრმისეული კითხვა დაემატება

ჩვენ ვზღუდავთ 55 წლის ქვემოთ ვაქცინების გაკეთებას და ეს არ არის მარტივი გადაწყვეტილება, რადგან ქვეყანას დღეს არ აქვს რესურსი სხვა ვაქცინებისადმი ადამიანების ხელმისაწვდომობა უზრუნველყოს - ბუნებრივია, ძალიან რთული საკითხია, მაგრამ ამ ეტაპზე ჩვენთვის მოსახლეობის უსაფრთხოება ძალიან მნიშვნელოვანია, - ამის შესახებ ალერგოლოგ-იმუნოლოგმა ბიძინა კულუმბეგოვმა იმუნიზაციის საბჭოს სხდომის დასრულების შემდეგ განაცხადა.

მისივე თქმით, "ჩეკ ლისტში", რომელსაც ყველა იმუნიზაციაზე მისული ადამიანი ავსებდა, ცვლილებები შევა და რამდენიმე სიღრმისეული კითხვა დაემატება.

"ამ გადაწყვეტილების შემდეგ რას გააკეთებენ 55 წლამდე ადამიანები, რომლებიც სამედიცინო პერსონალი იყო, ეს რამდენიმე კვირაში იქნება გადაწყვეტილი, როდესაც სხვა ვაქცინები იქნება ხელმისაწვდომი. ჩვენ ველოდებით აპრილის ბოლოს "კოვაქსის" მიერ დათქმულ 89 ათას დოზა "ასტრაზენეკას" ვაქცინას, ქვეყანას აქვს "სინოფარმის" ვაქცინა, "სინოვაკისგანაც" იქნება 100 ათასი დოზა და შესაბამისად, აპრილის ბოლოდან იქნება ხელმისაწვდომი ბევრი სხვადასხვა ვაქცინა. ამასთან, ჩვენ, იმ "ჩეკ ლისტში", რომელსაც იმუნიზაციაზე მისული ყველა ადამიანი ავსებდა, შევიტანთ ასევე ცვლილებებს, სადაც იქნება რამდენიმე სიღრმისეული კითხვა, რომელიც სისხლის შედედების სისტემის პრობლემებთან ასოცირებულ უკვე ცნობილ დაავადებებზე იქნება ან სხვა რისკ ფაქტორების გათვალისწინებაზე და ასეთის დაფიქსირების შემთხვევაში მათ მიეცემათ რეკომენდაცია. იმუნიზაციის ბრიგადა შედგება სამი პერსონისგან - რეგისტრატორი, ექიმი და აცრის მედდა და “ჩეკ ლისტის” შევსების შემდეგ, ექიმი გადაწყვეტს გაუკეთოს იმ დღეს აცრა პაციენტს, თუ გაუშვას სპეციალისტთან", - განაცხადა კულუმბეგოვმა.

ცნობისთვის, ჯანდაცვის მინისტრის პირველი მოადგილის თამარ გაბუნიას განცხადებით, ვაქცინაციის პროგრამა „ასტრაზენეკას“ ვაქცინით გაგრძელდება 55 წელის ზემოთ ასაკობრივ ჯგუფში. მისივე თქმით, შემდგომი გაფართოვება ასაკობრივი ჯგუფის მიხედვით, ამ ეტაპისთვის „ასტრაზენეკას“ ვაქცინის შემთხვევაში აღარ მოხდება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით