გერმანიის კანცლერმა ანგელა მერკელმა რუსთის პრეზიდენტ ვლადიმერ პუტინთან სატელეფონო საუბრისას უკრაინის საზღვართან რუსული სამხედრო წარმომადგენლობის გაძლიერების საკითხი განიხილა და რუსეთის ლიდერს სიტუაციის დეესკალაციის მიზნით, რეგიონში ამ სამხედრო წარმომადგენლობის შემცირებისკენ მოუწოდა - ამის შესახებ ინფორმაციას „დოიჩე ველე“ გერმანიის მთავრობის პრესსამსახურზე დაყრდნობით ავრცელებს.

აქვე აღნიშნულია, რომ ორი ქვეყნის ლიდერს შორის საუბრის თემა ასევე იყო პატიმრობაში მყოფი ოპოზიციონერის, ალექსეი ნავალნის მდგომარეობა, რომელმაც რამდენიმე დღის წინ შიმშილობა გამოაცხადა, რათა მისთვის სანდო ექიმთან ურთიერთობის უფლება მისცენ.

მანამდე საუბრის შესახებ კრემლმა გაავრცელა ინფორმაცია, სადაც ნათქვამი იყო, რომ „ვლადიმერ პუტინმა ყურადღება გაამახვილა კიევის პროვოკაციულ ქმედებებზე, რომლებიც, ბოლო დროს, მიზანმიმართულად ამძაფრებს სიტუაციას საკონტაქტო ხაზზე”.