თაკო ჩარკვიანი - „სტრატეგია აღმაშენებელს“ არ ვტოვებ, მე და გიორგი ვაშაძეს არანაირი უთანხმოება არ გვაქვს

„სტრატეგია აღმაშენებელს“ არ ვტოვებ, მე და გიორგი ვაშაძეს არანაირი უთანხმოება არ გვაქვს,- ამის შესახებ „ინტერპრესნიუსთან“ თაკო ჩარკვიანმა განაცხადა.

მისი თქმით, მსგავსი მოსაზრების გაჩენა, შესაძლოა, ერთ-ერთმა სატელევიზიო დებატმა გამოიწვია, რომელიც პარლამენტში შესვლა-არშესვლის საკითხს ეხებოდა.

თუმცა, როგორც ის აცხადებს, აზრთა სხვადასხვაობა არ არსებობს, შესაბამისად, ის ბლოკში რჩება.

„„სტრატეგია აღმაშენებელს“ არ ვტოვებ, შესაძლოა, გუშინდელმა სატელევიზიო დებატებმა გამოიწვია ეს რეაქცია. მე და გიორგი ვაშაძემ შევქმენით ბლოკი და არანაირი უთანხმოება არ გვაქვს. მე ვიცი, რომ გიორგიმ თქვა, რომ თუ არ შესრულდება ის მნიშვნელოვანი საკითხები, ის არ აპირებს შესვლას პარლამენტში, შესაბამისად, არანაირი განსხვავებული აზრი არ გვაქვს. მე დამრჩა შთბეჭდილება, რომ „სტრატეგიიდან“ ერთ-ერთს ორჭოფული დამოკიდებულება ჰქონდა და იქვე ვიკითხე. არ მიყვარს, როცა ამომრჩეველს რჩება შთაბეჭდილება, რომ ვიღაც მალავს, საქმის კურსშია და თამაშობს, ეს არ არის სწორი. ეს გიორგის არ ეხებოდა, მე და გიორგის გარკვეული გვაქვს და მისგან არასოდეს მიგრძვნია საწინააღმდეგო“, - განაცხადა ჩარკვიანმა.

კითხვაზე, თუ ვის ჰქონდა ორჭოფული დამოკიდებულება, ჩარკვიანი თეონა აქუბარდიას ასახელებს, თუმცა, იქვე დასძენს, რომ მოგვიანებით, მანაც დააფიქსირა ასევე საკუთარი პოზიცია პარლამენტში შესვლის საკითხთან დაკავშირებით.

"ძალიან კარგი და სასიამოვნო ადამიანია, ის არ არის ჩემი პარტიის „კანონის და სამართლის“ წევრი, ის გახლავთ გიორგის პარტიიდან - თეონა აქუბარდია, რომელმაც მერე თქვა, რომ არც ის აპირებს შესვლას, მაგრამ მე დამრჩა ასეთი შთაბჭდილება და უბრალოდ კითხვა დავსვი. ეს საკითხი, ჩემი წამოსვლის არ განიხილება, თუ მე მივიღებ გადაწყვეტილებას, ეს ჯერ გიორგი ვაშაძეს ეცოდინება და ცხადია, შემდეგ ამას თქვენ შეიტყობთ. ამაზე არავითარი საუბარი არ არის“, - განაცხადა თაკო ჩარკვიანმა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა