ინდოეთში კორონავირუსის რეკორდულად მაღალი - 132 000-მდე ახალი შემთხვევა დაფიქსირდა

ინდოეთში კორონავირუსის 132 000-მდე ახალი შემთხვევა დაფიქსირდა, რაც რეკორდულად მაღალი დღიური მაჩვენებელია ქვეყნისთვის. ინდოეთში, მესამე დღეა ინფიცირების ახალი შემთხვევების რიცხვი რეკორდულად იზრდება.

ამასთან, ქვეყნის ჯანდაცვის სამინისტროს მონაცემებით, ვირუსს ბოლო დღე-ღამეში კიდევ 780 ადამიანი ემსხვერპლა. სულ კოვიდ 19-თ გარდაიცვალა 167 642 ადამიანი. ჯამში 13 მილიონზე მეტი ინფიცირებულით, ინდოეთი მსოფლიოში აშშ-ისა და ბრაზილიის შემდეგ, მესამე ადგილზეა.

ქვეყნის პრემიერ-მინისტრმა ნარენდრა მოდიმ ვაქცინების გადანაწილების მნიშვნელობაზე ისაუბრა.

„ჩვენ შედეგს ვერ მივიღებთ ვაქცინების მხოლოდ ერთ შტატში ჩაკეტვით“, - განაცხადა მან.

ინდოეთის რამდენიმე შტატში, სადაც კოვიდი განსაკუთრებით გავრცელდა, ვაქცინების ნაკლებობაა. მაჰარაშტრასა და ორისას შტატებში ვაქცინაციის ცენტრების ნაწილი დაიხურა.

იხილეთ ვიდეო:ინდოეთში კორონავირუსის რეკორდულად მაღალი - 132 000-მდე ახალი შემთხვევა დაფიქსირდა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით