უკრაინული მედია - რუსეთის საოკუპაციო ძალებმა გასული დღე-ღამის განმავლობაში ცეცხლის შეწყვეტის რეჟიმი 15-ჯერ დაარღვიეს, რასაც მსხვერპლი მოჰყვა
რუსეთის შეიარაღებულმა ფორმირებებმა გასული დღე-ღამის განმავლობაში ცეცხლის შეწყვეტის რეჟიმი 15-ჯერ დაარღვიეს, რის შედეგადაც ერთი უკრაინელი ჯარისკაცი დაიღუპა, - ამის შესახებ გაერთიანებული ძალების ოპერაციის შტაბის დილის მოხსენებაშია აღნიშნული.
მათივე ინფორმაციით, რუსეთის საოკუპაციო ძალებმა ცეცხლი 120 და 82 მმ კალიბრის ნაღმტყორცნებიდან, მსხვილკალიბრიანი ტყვიამფრქვევებიდან და სხვადასხვა სისტემის ყუმბარმტყორცნებიდან გახსნეს.
„მტრის მიერ ცეცხლის გახსნის შედეგად გაერთიანებული ძალების შემადგენლობის სამხედრო მოსამსახურემ სიცოცხლესთან შეუთავსებელი ჭრილობები მიიღო. უკრაინის დამცველებმა რუსეთის საოკუპაციო ძალებს საპასუხო ცეცხლი გაუხსნეს,“ - აღნიშნულია გაერთიანებული ძალების ოპერაციის შტაბის მოხსენებაში.
