ხულუტის ციხე დარბაზის სარეაბილიტაციო სამუშაოები იწყება

„საყდრისის კომიტეტმა“ ხულუტის ციხესთან სარეაბილიტაციო სამუშოების პრეზენტაცია გამართა. აღნიშნულის შესახებ „ინტერპრესნიუსს“ „საყდრისის კომიტეტიდან“ აცნობეს.

როგორც შეხვედრაზე გახდა ცნობილი „ საყდრისის კომიტეტის“ ინიციატივით კულტურული მემკვიდრეობის დაცვის ეროვნულმა სააგენტომ მასშტაბური პროექტის მოსამზადებელი სამუშაოები დაიწყო.

თეთრიწყაროს მუნიციპალიტეტში მდებარე ეროვნული მნიშვნელობის კატეგორიის კულტურული მემკვიდრეობის ძეგლი მე-17-საუკუნის მეორე ნახევარს განეკუთვნება და ერთ-ერთ საუკეთესო ციხე-დარბაზად ითვლება გვიანი შუა საუკუნეების საქართველოში.

აქტივისტების თქმით, 5 კოშკისგან შემდგარი 8-სართულიანი ციხე-დარბაზი გამორჩეული ძეგლია და მისი ავთენტური სახით შენარჩუნება რესტავრატორებისთვის გამოწვევა იქნება.

„საწყისს ეტაპზე უკვე ჩატარებულია ძეგლის სკანირება, ასევე ისეთი მნიშვნელოვანი კვლევები, როგორიცაა გეოლოგიური და კედლის ქვის, რაც სამომავლოდ შესაძლებლობას მოგვცემს სწორად განისაზღვროს ძეგლზე ჩასატარებელი სამუშაოების სრული ნუსხა. პარალელურად უკვე მოწყობილია ციხესთან მისისავლელი ბილიკი, დადგმულია ხარაჩო და დასრულდა ძეგლის გაწმენდა ხე-მცენარეებისგან. ვინაიდან ციხე-დარბაზის ცალკეული ნაწილები უსაფრთხო არ არის. დადგმული გამაფრთხილებელი ბანერები და ციხე სრულად დაიკეტა“, - აცხადებენ „საყდრისის კომიტეტის“ წევრები.

ხულუტის ციხე-დარბაზს „საყდრისის კომიტეტი“ 2017 წლიდან იცავს და ის მე-6 ძეგლია, რომელზეც სარეაბილიტაციო სამუშაოები „საყდრისის კომიტეტის“ ინიციატივით და მონიტორინგით მიმდინარეობს. ძეგლზე მოსამზადებელ სამუშაოებს კარძო კომპანია აფინანსებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით