ივერთუბანში თამუნა დოლიძის სახელობის ქუჩა გაიხსნა

თბილისის საკრებულოს სახელდების და სიმბოლიკის კომისიის ინიციატივით, დღეს ივერთუბანში, 1989 წლის 9 აპრილს, საბჭოთა არმიის მიერ მშვიდობიანი მიტინგის დარბევის შედეგად დაღუპული გმირის, თამუნა დოლიძის სახელობის ქუჩა გაიხსნა. ამის შესახებ ინფორმაციას თბილისის საკრებულო ავრცელებს.

მათივე ცნობით, ქუჩის გახსნას კომისიის თავმჯდომარე მიხეილ ამაშუკელი, საქართველოს პარლამენტის წევრი რიმა ბერაძე, ასევე თამუნა დოლიძის ოჯახის წევრები და მეგობრები ესწრებოდნენ.

მიხეილ ამაშუკელმა 9 აპრილის მნიშვნელობაზე ისაუბრა და აღნიშნა, რომ ყველა იმ ადამიანის ღვაწლი, ვინც საკუთარი სამშობლოსთვის გასწირა თავი, სათანადოდ დაფასდება. ,, 9 აპრილი საქართველოს ისტორიაში ერთ-ერთი ყველაზე ტრაგიკული და ამავე დროს ერთ-ერთი ყველაზე საამაყო დღეა. ეს არის ერთიანობის, გაუტეხლობის და გამარჯვების დღე. 32 წლის წინ, ქართველმა ახალგაზრდებმა საკუთარი სიცოცხლის ფასად დაიცვეს ჩვენი ქვეყანა და ამ ტრაგედიიდან ორი წლის თავზე თავისუფლება მოიპოვეს. ქედს ვიხრი მათი ხსოვნის წინაშე და თავგანწირვისთვის თითოეულ მათგანს მთელი ქვეყნის სახელით ვუხდი მადლობას”,- განაცხადა მიხეილ ამაშუკელმა.

დამსწრე საზოგადოებას სიტყვით პარლამენტის დეპუტატმა რიმა ბერაძემაც მიმართა. ,,1989 წლის 9 აპრილის ღამე იყო ტრაგიკული, თუმცა, ამავდროულად ეს არის თარიღი, რამაც საფუძველი ჩაუყარა ჩვენი ქვეყნის დამოუკიდებლობის აღდგენას. სწორედ თამუნასნაირმა გმირებმა შექმნეს ეპოქა’’,- აღნიშნა რიმა ბერაძემ და დედაქალაქის საკრებულოს ამ მნიშვნელოვანი გადაწყვეტილებისთვის მადლობა გადაუხადა. 1989 წლის 9 აპრილს საქართველოს დამოუკიდებლობისთვის ბრძოლას 21 ადამიანი, შეეწირა. მომხდარიდან ორი წლის შემდეგ, საქართველოს პირველმა პრეზიდენტმა ზვიად გამსახურდიამ, 9 აპრილი საქართველოს სახელმწიფოებრივი დამოუკიდებლობის აღდგენის დღედ გამოაცხადა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!