ნორვეგიის პრემიერი სოციალური დისტანცირების წესების დარღვევისთვის 20 000 კრონით დააჯარიმეს

ნორვეგიელმა სამართალდამცავებმა ნორვეგიის პრემიერ-მინისტრი ერნა სოლბერგი კოვიდ 19-ის პანდემიის გამო დაწესებული სოციალური დისტანცირების წესების დარღვევისთვის დააჯარიმეს, - ამის შესახებ ინფორმაციას Reuters-ი ავრცელებს.

სააგენტოს ცნობით, საკუთარი დაბადების დღის აღსანიშნავი წვეულების ორგანიზებისთვის, რომელსაც პრემიერის ოჯახის წევრები ესწრებოდნენ, ერნა სოლბერგს 20 000 ნორვეგიული კრონის ( 2 352 აშშ დოლარი) გადახდა მოუწევს. წვეულებას, რომელიც პრემიერმა თებერვალში, მთის კურორტზე გამართა, 13 ადამიანი ესწრებოდა, ქვეყანაში კი, პანდემიის გამო, მთავრობის გადაწყვეტილებით, 10-ზე მეტი ადამიანის თავშეყრა აკრძალულია.

ცნობისათვის, ერნა სოლბერგი პანდემიის შესაჩერებლად მკაცრი შეზღუდვების დაწესებით გამოირჩევა. ამის შედეგად ნორვეგიაში კორონავირუსით ინფიცირებისა და გარდაცვალების შემთხვევები ბევრ სხვა ევროპულ ქვეყანაზე ნაკლებია, თუმცა, 2021 წლის პირველ კვარტალში, კოვიდ 19-ის ახალი ვარიანტების გავრცელების გამო, ინფიცირების შემთხვევებმა იმატა, რის გამოც მარტის ბოლოს მთავრობამ შეზღუდვები კიდევ უფრო გაამკაცრა.

იხილეთ ვიდეო: ნორვეგიის პრემიერი სოციალური დისტანცირების წესების დარღვევისთვის 20 000 კრონით დააჯარიმეს

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს