მარია ზახაროვა - უკრაინის ნატო-ში გაწევრიანება დაძაბულობის მასშტაბურ ზრდას გამოიწვევს

უკრაინის პოტენციური გაწევრიანება ნატო-ში ქვეყნის სამხრეთ-აღმოსავლეთში დაძაბულობის მასშტაბურ ზრდას გამოიწვევს,-ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ დღეს გამართულ ბრიფინგზე განაცხადა.

„ყურადღება მივაქციეთ უკრაინის პრეზიდენტის ზელენსკის განცხადება, რომელიც გუშინ დონბასს ეწვია, რომ ქვეყნის ნატო-ში გაწევრიანება ხელს შეუწყობს რეგიონში კონფლიქტის დასრულებას.

კიევის მოლოდინის საწინააღმდეგოდ, ნატოში გაწევრიანება არა მხოლოდ ვერ შეძლებს უკრაინისთვის მშვიდობის მოტანას, პირიქით, ეს გამოიწვევს დაძაბულობის ფართომასშტაბიან ზრდას სამხრეთ-აღმოსავლეთში, რამაც შეიძლება უკრაინის სახელმწიფოებრიობას შეუქცევადი შედეგები მოუტანოს", - აღნიშნა ზახაროვამ.

რუსეთის საგარეო უწყების პრესსპიკერმა ხაზი გაუსვა, რომ დონბასში, „კიევის საომარი განწყობის გამო“, ვითარება რთულია და კიდევ უფრო მწვავდება.

„კიევი დღემდე ცხოვრობს ილუზიებით, რომ ქვეყნის სამხრეთ-აღმოსავლეთში კონფლიქტის სამხედრო გზით გადაწყვეტა შესაძლებელია,“- აღნიშნა ზახაროვამ.

შეგახსენებთ, უკრაინის პრეზიდენტმა ვლადიმერ ზელენსკიმ რამდენიმე დღის წინ განაცხადა, რომ დონბასში ომის დასრულების ერთადერთი გზა უკრაინის ნატოში გაწევრიანებაა.

იხილეთ ვიდეო:რუსეთის საგარეო უწყება - უკრაინის ნატო-ში გაწევრიანება დაძაბულობის მასშტაბურ ზრდას გამოიწვევს

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა