შეერთებულმა შტატებმა თურქეთს აცნობა, რომ მისი ორი სამხედრო ხომალდი თურქეთის სრუტეებს გაივლის, იმისთვის, რომ 4 მაისამდე შავ ზღვაში განთავსდნენ, - Reuters-ის ინფორმაციით, ამის შესახებ ოფიციალურმა ანკარამ განაცხადა.
„დიპლომატიური არხების საშუალებით 15 დღის წინ გამოგვიგზავნეს შეტყობინება, რომ აშშ-ის ორი სამხედრო გემი შავ ზღვამდე მონტრეს კონვენციის შესაბამისად მივა. გემები შავ ზღვაში 4 მაისამდე დარჩებიან, ”- აცხადებენ თურქეთის საგარეო საქმეთა სამინისტროში.
მონტრეს 1936 წლის ხელშეკრულება თურქეთს ბოსფორისა და დარდანელის სრუტეებზე კონტროლის უფლებას ანიჭებს, საზღვაო სამხედრო გემების შესვლას ზღუდავს და უცხო ქვეყნების სატვირთო გემების მოძრაობას მართავს.