ათენში, ცნობილი ბერძენი ჟურნალისტი გეორგე კარაივაზა საკუთარ სახლთან ჩაცხრილეს. დანაშაული ჩადენილია ორი შეიარაღებული პირის მიერ, რომლებიც მოტოციკლით მოძრაობდნენ. ამის შესახებ ადგილობრივი მედია იუწყება.

კრაივაზა ერთ-ერთ კერძო ტელეკომპანია STAR TV -ში მუშაობდა, რომელიც კარგად იყო ცნობილი ბერძენი მაყურებლისთვის თავისი რეპორტაჟებით მართლწესრიგისა და პოლიციის შესახებ, ასევე აშუქებდა კრიმინალს.

ჟურნალისტი ადგილობრივი დროით 14:15 საათზე მოკლეს მაშინ, როდესაც სამსახურიდან სახლში ბრუნდებოდა.

ადგილზე ნაპოვნია 17 გილზა, სულ მცირე, მას ექვსი ტყვია აქვს მოხვედრილი. თვითმხილველთა ინფორმაციით, მკვლელებს სახე დაფარული არ ჰქონიათ.