რუსეთის შეიარაღებულმა ფორმირებებმა 9 აპრილს ცეცხლის შეწყვეტის რეჟიმი 7-ჯერ დაარღვიეს, რის შედეგადაც ერთი უკრაინელი ჯარისკაცი დაიჭრა - ამის შესახებ უკრაინის გაერთიანებული ძალების ოპერაციის შტაბის მოხსენებაშია აღნიშნული.

მათივე ინფორმაციით, რუსეთის საოკუპაციო ძალებმა ცეცხლი 82 მმ კალიბრის ნაღმტყორცნებიდან, სხვადასხვა სისტემის ყუმბარმტყორცნებიდან და მცირე ზომის იარაღებიდან გახსნეს.

უკრაინულმა მხარემ აღნიშნული მოქმედებების შესახებ ეუთოს წარმომადგენლებს ინფორმაცია მიაწოდა.