კარიბის ზღვის კუნძულ სენტ ვინსენტზე ვულკანის ამოფრქვევის შედეგად ელექტროენერგიის გაითიშა და წყლის მიწოდება შეწყდა.

ვულკანი „ლა სუფრიერე“ პირველად პარასკევს ამოიფრქვა და კუნძული ფერფლმა დაფარა, რამაც 16 000 ადამიანი აიძულა, თავიანთი სახლები დაეტოვებინათ.

სენტ ვინსენტეს პრემიერ-მინისტრის, რალფ გონსალვეზის განცხადებით, წყალმომარაგება და ელექტროენერგია კუნძულის უმეტეს ნაწილს შეუწყდა. დაიხურა კუნძულის საჰაერო სივრცეც. მისი თქმით, პარასკევიდან ათასობით მაცხოვრებელს საგანგებო თავშესაფრებში უწევს ღამის გათენება.

მეცნიერები აცხადებენ, რომ ვულკანის ამოფრქვევები, შესაძლოა, რამდენიმე დღის ან კვირის განმავლობაშიც გაგრძელდეს.

იხილეთ ვიდეო:კარიბის ზღვაში მდებარე კუნძულზე ვულკანი ამოიფრქვა, რის გამოც ათასობით ადამიანის ევაკუაცია გახდა საჭირო