ინდოეთში კორონავირუსის საწინააღმდეგო ვაქცინის 100 მილიონზე მეტი დოზა გამოიყენეს.
BBC წერს, რომ ინდოეთში 100 მილიონი ვაქცინაციის განხორციელება 85 დღეში შეძლეს, მაშინ როდესაც იმავე შედეგის მისაღებად აშშ-ს 89 დღე დასჭირდა, ჩინეთს კი - 102.
ქვეყნის ჯანდაცვის სამინისტროს ინფორმაციით, ივლისამდე ქვეყანაში 250 მილიონი ადამიანის ვაქცინაციაა დაგეგმილი.
Bloomberg-ის ბოლო მონაცემების მიხედვით, მსოფლიოს 154 ქვეყანაში ვაქცინების 768 მილიონი დოზა გამოიყენეს. დღეში ვაქცინაცია საშუალოდ 17.7 მილიონ ადამიანს უტარდება. პლატფორმის ინფორმაციით, ისრაელში ვაქცინაცია ყველაზე სწრაფი ტემპით მიმდინარეობს, სადაც მოსახლეობის 54.4% ვაქცინის ორივე დოზით აიცრა. აშშ-ში ვაქცინის ორივე დოზა მოსახლეობის 21.3%-მა მიიღო, ევროკავშირში კი 5.8%-მა.