ირანში, ბოლო 24 საათში, კორონავირუსს 258 ადამიანის სიცოცხლე ემსხვერპლა, რაც რეკორდულად მაღალი დღიური მაჩვენებელია ქვეყნისთვის 10 დეკემბრის შემდეგ, - ამის შესახებ ინფორმაციას Reuters-ი ირანის ჯანდაცვის სამინისტროზე დაყრდნობით ავრცელებს.
ამასთან, ირანში, გასული დღე-ღამის განმავლობაში, კორონავირუსით ინფიცირების 21 063 ახალი შემთხვევა გამოვლინდა.
ქვეყანაში, პანდემიის დაწყების დროიდან, კოვიდ 19-ით ინფიცირების 2 070 141 შემთხვევაა დადასტურებული, აქედან ვირუსს 64 490 ადამიანის სიცოცხლე ემსხვერპლა.
ცნობისათვის, გუშინ თეირანმა ქვეყნის უმეტეს ნაწილში 10-დღიანი „ლოქდაუნი“ დააწესა.
რამადანის თვის განმავლობაში, რომელიც ირანში ოთხშაბათს იწყება, ბიზნეს ობიექტები, სკოლები, თეატრები და სპორტული დაწესებულებები დახურული იქნება.