თურქეთი იცავს უკრაინის ტერიტორიულ მთლიანობას და ყირიმელი თათრების უფლებებს და მხარს უჭერს რუსეთსა და უკრაინას შორის პრობლემების მოგვარებას მოლაპარაკებების გზით, - ამის შესახებ თურქეთის პრეზიდენტის პრესსპიკერმა იბრაჰიმ კალინმა განაცხადა.

”ნებისმიერი სახის დაძაბულობა და კონფლიქტები შავ ზღვასა და რეგიონში ყველას აზიანებს”, - აღნიშნა კალინმა.

შეგახსენებთ, თურქეთის პრეზიდენტ რეჯეფ თაიფ ერდოღანსა და მის უკრაინელ კოლეგას, ვლადიმერ ზელენსკის შორის ორი დღის წინ შეხვედრა გაიმართა.

ერდოღანმა განაცხად, რომ თურქეთს "მშვიდობიანი" შავი ზღვა სურს. ”ჩვენი მთავარი მიზანია, რომ შავი ზღვა კვლავ იყოს მშვიდობის, წესრიგისა და თანამშრომლობის ზღვა”, - აღნიშნა მან.