გერმანიის კანცლერობის კანდიდატს მმართველი ბლოკი  არმინ ლაშეტსა და მარკუს სოდერს შორის შეარჩევს

გერმანიის კანცლერის თანამდებობის დასაკავებლად ჩრდილოეთ რაინ-ვესტფალიის რეგიონის პრემიერ-მინისტრი არმინ ლაშეტი და ბავარიის რეგიონის პრემიერ-მინისტრი მარკუს სოდერი იბრძვიან, - ამის შესახებ ინფორმაციას „დოიჩე ველე“ ავრცელებს.

გამოცემის ცნობით, გერმანიის მმართველმა „ქრისტიან-დემოკრატებისა“ და „ქრისტიან-სოციალური კავშირის“ ბლოკმა ანგელა მერკელის მემკვიდრის ასარჩევად შეხვედრა გამართა.

კანცლერობის მთავარი კანდიდატები არმინ ლაშეტი და მარკუს სოდერი არიან.

ლაშეტი, რომელსაც ანგელა მერკელის ფავორიტ კანდიდატად თვლიან, „ქრისტიან-დემოკრატიული კავშირის“ ხელძღვანელი, სოდერი კი ბავარიის „ქრისტიან-სოციალური კავშირის“ ხელმძღვანელია, რომელიც „ქრისტიან-დემოკრატიული კავშირის“ უახლოესი პოლიტიკური მოკავშირეა.

”ორივემ განვაცხადეთ, რომ მზად ვართ”, - განაცხადა სოდერმა. მისი თქმით, დისკუსია ”არ იყო გადამწყვეტი”, რადგან ორივე კანდიდატი შესაფერისია.

სოდერმა ხაზგასმით აღნიშნა, რომ გადაწყვეტილება ემყარება იმას, რაც ქვეყნისთვის საუკეთესოა და არა კანდიდატების ინდივიდუალურ ამბიციებს.

შეხვედრის დასრულების შემდეგ, არმინ ლაშეტმა თქვა, რომ ჯერჯერობით უცნობია, როდის მიიღებენ გადაწყვეტილებას მმართველ ბლოკში.

„დოიჩე ველე“ წერს, რომ „ქრისტიან-დემოკრატების კავშირის“ რეიტინგი შემცირებულია. პარტიამ მარტში რაინლანდ-პფალცისა და ბადენ-ვიურტემბერგის არჩევნებში ისტორიულად დაბალი შედეგები აჩვენა. ბლოკის პოპულარობა განსაკუთრებით დაზარალდა მას შემდეგ, რაც მისი რამდენიმე წევრი, ბუნდესტაგის დეპუტატები, კორუფციასთან დაკავშირებული ბრალდებების შემდეგ, იძულებული გახდა, გადამდგარიყო.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!