ინდოეთში, გასული დღე-ღამის განმავლობაში, კორონავირუსის 168 912 ახალი შემთხვევა გამოვლინდა და ინფიცირებულთა საერთო რაოდენობამ 13.53 მილიონს მიაღწია, - ამის შესახებ ინფორმაციას Reuters-ი ავრცელებს.
სააგენტოს ცნობით, ამ მაჩვენებლით ინდოეთმა ბრაზილიას გადაუსწრო და კოვიდინფიცირებულთა რაოდენობით მეორე ქვეყანა გახდა მსოფლიოში აშშ-ის შემდეგ.
ამასთან, ინდოეთში, ბოლო 24 საათში, კოვიდ 19-ს კიდევ 904 ადამიანის სიცოცხლე ემსხვერპლა და დაღუპულთა რიცხვი 170 179-მდე გაიზარდა.