გერმანიაში, ბოლო 24 საათში, კორონავირუსის 13 245 ახალი შემთხვევა გამოვლინდა და კოვიდინფიცირებულთა რაოდენობამ 3 011 513-ს მიაღწია, - შესაბამის მონაცემებს ჯონს ჰოპკინსის უნივერსიტეტი ავრცელებს.
ამავე მონაცემების თანახმად, გასული დღე-ღამის განმავლობაში ვირუსს კიდევ 99 ადამიანის სიცოცხლე ემსხვერპლა და დაღუპულთა რიცხვმა 78 452-ს მიაღწია.
გერმანიის ჯანდაცვის ხელისუფლების წარმომადგენლებმა პარასკევს განაცხადეს, რომ შეზღუდვების გამკაცრების გარეშე ქვეყნის საავადმყოფოები შეიძლება გადაიტვირთოს.
კანცლერმა ანგელა მერკელმა აღნიშნა, რომ იგი აპირებს ახალი კანონების შემოღებას, იმისთვის, რომ ფედერალური მთავრობის დონეზე ქვეყნის მასშტაბით შეზღუდვების დაწესება გაადვილდეს.