აფხაზეთის ავტონომიური რესპუბლიკის მთავრობის შენობასთან დაპირისპირებისას 6 ადამიანია დაკავებული
აფხაზეთის ავტონომიური რესპუბლიკის მთავრობის შენობასთან აქტივისტებსა და სამართალდამცავებს შორის ფიზიკური დაპირისპირებისას 6 ადამიანია დაკავებული.
როგორც „ინტერპრესნიუსს“ შინაგან საქმეთა სამინისტროში განუცხადეს, აქტივისტები ადმინისტრაციული წესით არიან დაკავებული.
ცნობისთვის, აფხაზეთის ავტონომიური რესპუბლიკის მთავრობის შენობასთან მისული აქტივისტები ოკუპირებული ტერიტორიებიდან გადმომსვლელებისთვის 5-დღიანი საკარანტინო რეჟიმის მოხსნას ითხოვდნენ. ამასთანავე, პროტესტის მონაწილეებს აფხაზეთის ავტონომიური რესპუბლიკის მთავრობის წევრებთან სურდათ შეხვედრა.
