რუსეთის პრეზიდენტის პრესსპიკერის დიმიტრი პესკოვის განცხადებით, ბოლო დღეების განმავლობაში ვლადიმერ ზელენსკის ვლადიმერ პუტინთან მოლაპარაკებები არ მოუთხოვია.

„არა, ბოლო დღეებში არანაირი თხოვნა არ მინახავს”, - აღნიშნა პესკოვმა.

Reuters-ის ინფორმაციით, ვლადიმერ ზელენსკის პრესსპიკერმა, იულია მენდელმა სააგენტოს განუცხადა, რომ აღმოსავლეთ უკრაინაში კონფლიქტის ესკალაციის საკითხთან დაკავშირებით უკრაინის პრეზიდენტმა ვლადიმერ პუტინთან საუბარი მოითხოვა, თუმცა უკრაინის პრეზიდენტის ადმინისტრაციას ჯერჯერობით არანაირი პასუხი არ მიუღია.