ჩეხეთში დღეიდან სკოლები, ბიბლიოთეკები, ზოოპარკები და მაღაზიების ნაწილი გაიხსნა.
მედიის ინფორმაციით, ქვეყანაში 6-თვიანი საგანგებო მდგომარეობის რეჟიმი გაუქმდა და გადაადგილებასთან დაკავშირებული შეზღუდვებიც მოიხსნა.
ამასთან, სკოლის მოსწავლეებისთვის კორონავირუსზე ტესტის აღება კვირაში ორჯერ სავალდებულო იქნება.
ჩეხეთში, რომლის მოსახლეობა დაახლოებით 10.7 მილიონს შეადგენს, პანდემიის დაწყების დროიდან, კოვიდ 19-ით ინფიცირების 1.58 მილიონი შემთხვევაა დადასტურებული, დაღუპულთა რაოდენობა კი 28 000-ს აღწევს.