ზაზა წერეთელი - ისეთი ვაქცინის შემოტანა, რომლის ეფექტურობაზე ინფორმაცია არ არსებობს, ძალიან სარისკო ნაბიჯია ვაქცინაციის პროგრამისთვის

ჩინური ვაქცინის ეფექტურობის შესახებ არის მწირი ინფორმაცია, ასევე მისი გვერდითი მოვლენების შესახებ, - ამის შესახებ ნორვეგიის სამეფოს ჯანდაცვის სამინისტროს უფროსმა მრჩეველმა, ზაზა წერეთელმა „პალიტრანიუსის“ ეთერში, გადაცემაში „რეზიუმე“ განაცხადა.

როგორც წერეთელი განმარტავს, 40 მილიონ დოზაზე მეტია „სინოფარმით“ აცრილი.

ხოლო გვერდითი მოვლენის არცერთი შემთხვევაც არ დაფიქსირებულა, რაც ცხადია ბევრ კითხვის ნიშანს აჩენს.

„სინოფარმს“ რომელსაც ემირატები იყენებენ განაცხადეს, რომ შესაძლებელია ვაქცინის მესამე დოზა დასჭირდეთ, რადგან რამდენიმე შემთხვევაში ორმა დოზამ შედეგი არ მოიტანა. არსად არ გამოქვეყნებულა არანაირი ინფორმაცია, თუ როგორ მუშაობს ეს ვაქცინა და რა გვერდითი მოვლენები აქვს. 40 მილიონ დოზაზე მეტია „სინოფარმით“ აცრილი, ერთი შემთხვევაც არ დაფიქსირებულა გვერდითი მოვლენის. ცხადია ეს ბევრ კითხვის ნიშანს აჩენს. ამიტომ ასეთი ვაქცინის შემოტანა, რომლის ეფექტურობაზე ინფორმაცია არ არსებობს, ვფიქრობ ძალიან სარისკო ნაბიჯია ვაქცინაციის პროგრამისთვის. პირველ რიგში, უნდა დაელოდონ ჯანდაცვის მსოფლიო ორგანიზაციის დადგენილებას“, - განაცხადა ზაზა წერეთელმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა