სანკტ-პეტერბურგში „ნევსკის მანუფაქტურის“ შენობაში ძლიერ ხანძარს ერთი მეხანძრე ემსხვერპლა, ორი კი მძიმედ დაშავდა.
BBC-ის ინფორმაციით, დაშავებულები რეანიმაციულ განყოფილებაში იმყოფებიან.
გამოცემის ცნობით, ხანძარი 10 000 კვადრატულ მეტრ ტერიტორიაზე გავრცელდა. ხანძრის გაჩენის დროს შენობაში 40 ადამიანი იმყოფებოდა, მაშველებმა მათი ევაკუაცია დროულად შეძლეს.
„ნევსკის მანუფაქტურა“, სადაც ბეწვეულს აწარმოებენ, 1841 წელსაა აშენებული. შენობას კულტურული მემკვიდრეობის სტატუსი აქვს.