დმიტრი კულება - მადლობას ვეტყვით ნატო-ს იმ ვერბალური სიგნალებისთვის, რაც გაჟღერდა, მაგრამ ასევე ვისაუბრებთ ძალიან კონკრეტულ საკითხებზე

უკრაინა ახდენს საერთაშორისო პარტნიორების მობილიზებას რუსეთისთვის სიგნალების გადასაცემად, რათა ხელი შეუშალოს მას შემდგომი შეიარაღებული ესკალაციის განხორციელებაში, - უკრაინული მედიის ინფორმაციით, ამის შესახებ ქვეყნის საგარეო საქმეთა მინისტრმა დმიტრი კულებამ განაცხადა.

მისი თქმით, ამავდროულად, განიხილება პრაქტიკული ნაბიჯები ფართომასშტაბიანი შეიარაღებული გამწვავების შემთხვევაში.

„ჩვენ ახლა იმ ფაზაში ვართ, როდესაც ვერბალური სიგნალები რუსეთში ყველა არხის საშუალებით მაქსიმალურად უნდა იყოს გადაცემული, გერმანია და საფრანგეთი აგზავნიან ამ სიგნალებს - თქვენ ნახეთ გერმანიის კანცლერის განცხადება პუტინთან საუბრის შემდეგ. ამიტომ, ჩვენი ამოცანაა, ყველა მათგანის მაქსიმალურად მობილიზება. მაგრამ ყველას უნდა გვესმოდეს, რომ შეიძლება დადგეს ფაზა, როდესაც შეშფოთების გამოხატვა და სიტყვიერი მიმართა რუსეთისთვის საკმარისი აღარ იქნება. ამიტომ, ახლა გვჭირდება საუბარი იმის შესახებ, როგორი სახის პრაქტიკული დახმარება შეიძლება ჰქონდეს უკრაინას, ყველაფერს ვაკეთებთ ამის აღსაკვეთად, მაგრამ ფართომასშტაბიანი შეიარაღებული გამწვავების შემთხვევაში. ჩემი ვიზიტი ბრიუსელში დაკავშირებულია ზუსტად ამასთან. ჩვენ მადლობას ვეტყვით ნატი-ს იმ ვერბალური სიგნალებისთვის, რაც გაჟღერდა, მაგრამ ასევე ვისაუბრებთ ძალიან კონკრეტულ საკითხებზე,“ -აღნიშნა უკრაინის საგარეო უწყების ხელმძღვანელმა.

უკრაინის საგარეო მინისტრი დმიტრი კულება და ნატო-ს გენერალური მდივანი იენს სტოლტენბერგი დღეს ბრიუსელში, ალიანსის შტაბბინაში შეხვედრას გამართავენ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს