რუსეთის შეიარაღებულმა ფორმირებებმა, 13 აპრილის დილის 7:00 საათის მონაცემებით, დონბასში ცეცხლის შეწყვეტის რეჟიმი 3-ჯერ დაარღვიეს - უკრაინული მედიის ინფორმაციით, ამის შესახებ გაერთიანებული ძალების ოპერაციის შტაბის დილის მოხსენებაშია აღნიშნული.

შტაბის ინფორმაციით, რუსეთის საოკუპაციო ძალებმა ცეცხლი 82 მმ კალიბრის ნაღმმტყორცნებიდან გახსნეს. ამასთან, უკრაინული სამხედრო დანაყოფების მიმართულებით ყუმბარები ისროლეს. „ამის შედეგად ერთმა სამხედრო მოსამსახურემ სიცოცხლისთვის შეუთავსებელი დაზიანებები მიიღო. დაშავდა კიდევ ორი სამხედრო”, - ნათქვამია შტაბის განცხადებაში.

მათივე ინფორმაციით, დაშავებულები საავადმყოფოში არიან გადაყვანილები.

იხილეთ ვიდეო:დონბასში კიდევ ერთი უკრაინელი ჯარისკაცი დაიღუპა