"სტრატეგია აღმაშენებლის" ერთ-ერთი ლიდერის პაატა მანჯგალაძის განცხადებით, თუკი "ნაციონალური მოძრაობის" თავმჯდომარე ნიკა მელია პატიმრობიდან გათავისუფლდება, ეს სწორი პოლიტიკური ნაბიჯი იქნება. მისი თქმით, მელიას დაკავება უგუნურება იყო.

„ჩვენ ილუზია არ უნდა გვქონდეს, რომ ერთპარტიული მმართველობის პირობებში სასამართლო ან პროკურატურა პოლიტიკისგან დამოუკიდებელ გადაწყვეტილებას იღებს. ნიკა მელიას დაკავების მოტივაცია იყო პოლიტიკური და გათავისუფლებაც პოლიტიკური იქნება, მაგრამ ამ პოლიტიკურშიც არის ორი მიმართულება, ერთი არის საღი პოლიტიკური და მეორე - უგუნურება. მე მჯერა, რომ დაკავება იყო უგუნურება, თუ გაათავისუფლებენ მელიას სწორი პოლიტიკური ნაბიჯი იქნება ",- განაცხადა პაატა მანჯგალაძემ