ინდოეთში, გასული დღე-ღამის განმავლობაში, კორონავირუსის 161 736 ახალი შემთხვევა გამოვლინდა და ინფიცირებულთა საერთო რაოდენობა 13.69 მილიონამდე გაიზარდა, - შესაბამის ინფორმაციას ინდოეთის ჯანდაცვის სამინისტრო ავრცელებს.

აღსანიშნავია, რომ ინდოეთში ბოლო 24 საათში დაფიქსირებული შემთხვევების რიცხვი ყველაზე მაღალი დღიური მაჩვენებელია მსოფლიოში.

ამასთან, კოვიდ 19-ს ინდოეთში კიდევ 879 ადამიანის სიცოცხლე ემსხვერპლა და დაღუპულთა რიცხვი 171 058-მდე გაიზარდა.

ინდოეთში კორონავირუსის საწინააღმდეგო ვაქცინის მინიმუმ ერთი დოზა მოსახლეობის დაახლოებით 7 პროცენტს აქვს გაკეთებული.