კორონავირუსით ინფიცირების შემთხვევების ზრდის გამო, ლაგოდეხის მუნიციპალიტეტის რამდენიმე სოფელში გაფართოებული ტესტირება იგეგმება.

აღნიშნულ მუნიციპალიტეტში კორონავირუსის გავრცელება, სავარაუდოდ, დაკავშირებულია ეკლესიის მრევლის „კლასტერთან“, საიდანაც უკვე 48 ადამიანი დაინფიცირდა.

როგორც დაავადებათა კონტროლის ეროვნული ცენტრის კახეთის ორგანიზაციის ხელმძღვანელმა, ნელი ხიზანიშვილმა განაცხადა, ინფიცირებულებს შორის არიან სასულიერო პირები, ბავშვები და პედაგოგები. მათი ჯანმრთელობის მდგომარეობა ამ ეტაპზე დამაკმაყოფილებელია.

ამასთან, დისტანციური სწავლების რეჟიმზე გადავიდა ლაგოდეხის მესამე და სოფელ მაწიმის საჯარო სკოლები.