კრემლის პრესსპიკერი დიმიტრი პესკოვი არ გამორიცხავს რუსეთის გარიცხვას დასავლეთის საგადასახადო სისტემებიდან. ამის შესახებ რუსული მედია იუწყება.

„ჩვენ დარწმუნებით შეგვიძლია ერთი რამის კონსტატაცია, რომ რუსეთის მიმართ შეზღუდვა ამა თუ იმ ფორმით მთელი რიგი სახელმწიფოებისგან გამოიყენება, რომელთა მიზანია რუსეთის, საერთაშორისო სამართლის თვალსაზრისით, უკანონო შეკავება“, - განაცხადა პესკოვმა.

მისი თქმით, ეს შეზღუდვები მჟღავნდება სხვადასხვა ფორმით, რაც საკმაოდ არაპროგნოზირებადი პროცესია, ამიტომ, ამ პროცესის ფარგლებში, არამეგობრული, ზოგჯერ კი მტრული ქცევის გათვალისწინებით რუსეთის მიმართ, არაფრის გამორიცხვა არ შეიძლება.

პესკოვის განცხადებით, რისკების თავიდან ასარიდებლად, საუკეთესო საშუალებაა სისტემების შექმნა, რომლებიც შეძლებენ ამა თუ იმ მომსახურების, ან ფინანსური საქმიანობის თანმხლები ფორმატის უქონლობის კომპენსირებას.