რუსეთს, წვრთნების ფარგლებში, კასპიის ზღვიდან შავ ზღვაში სამხედრო ხომალდები გადაჰყავს.რუსეთის თავდაცვის სამინისტროს ცნობით, გადაადგილებას ექვემდებარება კასპიის ფლოტილიაში შემავალი 15 ხომალდი, მათ შორის სამი საარტილერიო და რვა სადესანტო, ასევე დამხმარე გემები. ისინი, შავი ზღვის ფლოტის ძალებთან თანამშრომლობით, მონაწილეობას მიიღებს საზღვაო წვრთნებში.
სამხედრო ხომალდები შავი ზღვისკენ ვოლგა-დონის გავლით მიემართებიან. რუსეთის შავი ზღვის ბაზა ანექსირებულ ყირიმში მდებარეობს.