ირანი 14 აპრილიდან აპირებს ურანის 60 %-მდე გამდიდრების პროცესი დაიწყოს. ამის შესახებ ირანის საგარეო საქმეთა მინისტრის მოადგილემ აბას არაღჩიმ განაცხადა.
„ირანმა ინფორმაცია მიაწოდა საერთაშორისო ატომური ენერგეტიკის სააგენტოს, რომ ურანის 60 %-მდე გამდიდრება იწყება ხვალიდან“, - განაცხადა მინისტრის მოადგილემ.
მანამდე, ირანის საგარეო საქმეთა მინისტრმა მოჰამად ჯავად ზარიფმა განაცხადა, რომ ირანში გამდიდრებული ურანის საერთო მარაგები ამ დროისთვის, 4 ტონას აჭარბებს. ამასთან, დღემდე, ურანის გამდიდრება 20 %-მდე ხდება.